Publico por staciona auto libremente despues di 4:30 atardi y riba diasabra of diadomingo

ORANJESTAD – Servicio di Aduana kier pone na conocemento di e pueblo di Aruba cu entrante januari 2011, Servicio di Aduana lo bay tin su propio espacio di parkeo (parkeerplaats).

E espacio aki ta ubica banda pabou di e oficina principal di Servicio di Aduana na L.G. Smith Boulevard.
Servicio di Aduana kier notifica tur broker cu ta bishita Servicio di Aduana diariamente y cu ta interesa pa haci uzo di e espacio aki pa manda un peticion pa nan por staciona nan vehiculo riba e tereno aki. Tur doño di establecimento cu tin un entrada di nan establecimento riba e tereno aki, tambe por haci un peticion pa un carchi pa nan of nan trahadornan por haya acceso pa staciona nan vehiculo.

Locual ta importante pa pueblo sa, ta cu e 'hefboom' na e entrada di espacio di parkeo menciona lo bay ta den funcion di dialuna pa diabierna, durante e oranan di trabou, esta for di 7:30 di mainta te cu 4:30 di atardi.
E espacio di parkeo aki lo bay ta liber pa publico por staciona vehiculo solamente despues di 4:30 di atardi y riba diasabra y diadomingo henter dia.  

Servicio di Aduana kier pa un y tur tuma bon nota di e aviso aki pa evita cualkier inconveniencia cu por surgi pa cu esaki.
Pa mas informacion por yama e departamento di asunto general di Servicio di Aduana na telefon 5821800.

 

GERENCIA DI SERVICIO DI ADUANA
1 november 2010