Servicio di douane ta informa en cuadro di mehoracion di su servicio, cu entrante 2 di maart 2009 tur cliente di douane tin cu entrega un lista cu tur e declaracionan cu ta wordo entrega na oficina principal di douane.

ORANJESTAD – Servicio di douane ta informa en cuadro di mehoracion di su servicio, cu entrante 2 di maart 2009 tur cliente di douane tin cu entrega un lista cu tur e declaracionan cu ta wordo entrega na oficina principal di douane. E lista mester ta traha den ”tweevoud”.

Ora e cliente entrega e lista na douane e lo haya un di listanan bek firma como prueba cu e declaracionan a wordo risibi door di douane. A base di lista aki douane lo tin un mihor control riba e cantidad di declaracion cu ta wordo entrega y e tempo cu ta tuma pa procesa e declaracionan.

E lista mester contene informacion basico cu ta e.o nomber di e broker y su number di registracion personal (persoonsnummer), tambe informacion specifico cu ta nomber di e importador y e number di e Enig Document (esun cu ta scirbi na halto riba e Enig Document). Na oficina principal di douane e clientenan lo por haya un kopia di e lista menciona.

Informacion
Pa mas informacion por tuma contacto cu oficina principal di Douane na telefoon 5821800
# 217 y 257, 5821280 of 5821297. 

GERENCIA DI SERVICIO DI ADUANA
19 di februari 2009