Servicio di Aduana ta notifica e siguiente cambionan den e sistema di procesa declaracionan na oficina principal di aduana entrante dialuna 10 di november 2008

ORANJESTAD – Servicio di Aduana ta notifica e siguiente cambionan den e sistema di procesa declaracionan na oficina principal di aduana entrante dialuna 10 di november 2008:

Entrega di declaracion:
Tur declaracion mester wordo entrega pa registracion na loket 3 y 4. Declaracionan cu no pasa via loket 3 y 4 lo no wordo procesa.     

Aanvaarding: (control di declaracion):
Aanvaarding ta haci control ariba tur declaracion cu wordo entrega. Tur e vaknan mester ta bon jena p.e. goederencode, douanewaarde, containernummer etc. y tambe tur factura, documento mester ta entrega. Tur mercancia cu mester di permiso di importacion tambe mester ta na ordo. Declaracionan cu no ta cumpli cu e requisitonan ariba menciona lo wordo entrega bek na e clientenan pa haci correcion. Despues di haci correcion mester entrega tur declaracionan bek na loket 3 y 4 pa nan wordo registra (data entry).

Registracion di declaracion (data entry):
E sistema automatisa ta controla tur informacion jena den e vaknan riba foutnan di p.e. goederencode, douanewaarde, containernummer di e declaracionan. E sistema automatisa automaticamente lo no por sigui procesa e declaracionan cu ta fout jena. Declaracionan cu ta fout jena lo wordo debolbe na e clientenan pa haci correccion. Despues di haci correcion mester entrega tur declaracionan bek na loket 3 y 4 pa nan wordo registra.

Control di factura:
Declaracionan cu a wordo registra lo sigui e proceso di control di factura. Ora foutnan wordo constata den e proceso di declaracion cu tin di haber cu goederencode, douanewaarde etc. lo wordo entrega bek na e clientenan pa haci correcion. Despues di haci correcion mester entrega tur declaracionan bek na loket 3 y 4 pa nan wordo controla di nobo.

GERENCIA DI SERVICIO DI ADUANA
6 november 2008