Servicio di Aduana ta notifica e sigiente cambionan di tarifa di impuesto di importacion cu a drenta na vigor dia 3 di november 2008

ORANJESTAD – Servicio di Aduana ta notifica e sigiente cambionan di tarifa di impuesto di importacion cu a drenta na vigor dia 3 di november 2008:

Tarifa di impuesto di importacion riba paña y acesorio pa paña di brei of haakwerk a baha di 12% pa 6%. Cu e reducion aki di tarifa tur paña y acesorio pa paña lo ta 6%.

Tarifa riba auto pa transporta detenido y auto funebre ta baha di 30%, 40% of 50% segun e balor di douane (CIF- waarde), pa 12% di e balor di douane.

Pronto lo bai tin algun corecion den e buki di tarifa. E momento cu e buki di tarifa riba e website di Belastingdienst wordo coregi, lo sali un comunicado pa’sina informa e clientenan y nan por “down load” e paginanan riba cual lo tin e cambio.
 
GERENCIA DI SERVICIO DI ADUANA
4 november 2008