Den cuadro di restructuracion di trabounan na e Seccion  Aeropuerto,  Douane kier trece algun cambio

ORANJESTAD – Den cuadro di restructuracion di trabounan na e Seccion  Aeropuerto,  Douane kier trece algun cambio. E cambionan aki ta necesario pa yuda e fluho di documtentonan pa carga cu ta yega cu avion diariamente. E motibo tras di e cambionan aki ta pa douane por yega na procesa declaracionnan di carga aero dentro di 24 ora despues cu e declaracion a wordo entrega.

E cambionan ta lo sigiente:
1. Tur declaracion pa medicina (geneesmiddelen) por wordo haci riba un solo post (artikel). Si acaso tin mercancia cu pa Inspeccion di Medicina ta cay bou di medicina y cu pa ley di Douane e ta otro, esaki lo mester bin riba e declaracion na un otro post.
Por ehempel post 1: medicijnen (zie aangehechte lijst), post 2: hoestpastilles (halls mentolyptus) cu ta pa ley di douane, mangel.

E cambio aki ta drenta na vigor entrante 15 di September 2008 y ta conta pa tur otro seccion di douane. Servicio di Aduana ta recorda tur cliente cu na momento di haci peticion pa “vrijmaking” di e carga pa nan entrega tambe e facturanan corespondiente.

2. E siguiente cambio tambe ta drenta na vigor entrante 15 di September 2008 y ta conta solamente pa e seccion di Aeropuerto.
Bukinan cu ta cay bou di codigo di mercancia cu tin un percentage di 0% y ta algo personal, douane lo controla y haci entrega di e cargo e mesun momento sin cu tin cu haci un declaracion por escrito. Douane lo stempel e factura y lo pone e ora ei “vrij na visitatie”. Bukinan destina pa comercio lo tin cu haci un declaracion por escrito. Pa duna un ehempel: un persona ta bestel un buki, riba mesun dia cu e buki aki ta den loods e lo wordo controla y entrega dor di douane cu ta encarga cu e entregamento di carga. E duane cu ta eherce e control mes lo stempel e factura ora e caba di entrega e buki.

3. Entrante 1 di oktober 2008 “seccion Aeropuerto” lo procesa solamente declaracion nan cu tin di haber cu carga cu ta yega cu avion. Tur carga cu ta yega cu barco ta wordo procesa na seccion Stad (HK-02)

4. Entrante 1 di oktober 2008 lo tin un orario nobo pa cu e servicio di caha na seccion Aeropuerto (cargo). E orario lo bira 08.00-11.45 y 13.00-16.00 or.

Cambionan cu lo bini den futuro ta:

• declaracion electronico (electronische aangifte)
• carganan personal na balor CIF (Cost Insurance Freight) di 1000,00 florin por wordo cobra via e sistema verbal (mondelinge aangifte) den cada loods.

No tin un fecha exacto ainda, pasobra nos ta depende di equiponan y programanan pa haci e trabou.

GERENCIA DI SERVICIO DI ADUANA
11 September 2008