Diariamente “Afdeling Techniek” ta haya telefonicamente preguntanan tocante clasificacion di productonan den e Tarief van Invoerrechten (Geharmoniseerd Systeem) y tambe preguntanan tocante otro topiconan cu ta regarda e importacion, exportacion di carga of di carga cu ta den transito.

ORANJESTAD – Servicio di Aduana kier informa su clientenan di lo siguiente:
Diariamente “Afdeling Techniek” ta haya telefonicamente preguntanan tocante clasificacion di productonan den e Tarief van Invoerrechten (Geharmoniseerd Systeem) y tambe preguntanan tocante otro topiconan cu ta regarda e importacion, exportacion di carga of di carga cu ta den transito.

Pa lokual ta trata preguntanan cu ta regarda clasificacion di productonan, e douane hopi biaha tin cu consulta e bukinan di tarief pa por duna e persona un contesta, locual ta tuma basta tempo.
Pa e motibo ei, e Hefe di Afdeling Techniek kier trece na atencion di e publico cu nan lo no duna informacion mas via telefon cuminsando 1 di juni venidero.

Pa brinda un servicio mas eficiente, Servicio di Aduana ta haci un suplica na e publico cu nan por pa manda nan preguntanan tocante clasificacion di mercancia libremente na e-mailadres gsinfo@siad.aw

Pa lokual ta trata preguntanan cu no ta regarda clasificacion di mercancia bo por mandanan na e-mailadres: douane@siad.aw.

Tur esnan cu manda nan preguntanan lo haya contesta bek via e-mail mas liher cu ta posibel locual cu lo cumbini bo tambe, pasobra cu bo ta haye por escrito y no verbal.

 

GERENCIA DI SERVICIO DI ADUANA
18 mei 2009