ORANJESTAD – Servicio di Aduana ta informa tur su clientenan cu en conexion cu su mehoracion di servicio, entrante 3 di augustus proximo “Team Vrijmaking” lo bay integra oficialmente bou di seccion Duana Waf, Oranjestad. E oficina di “Team Vrijmaking” lo muda pa e oficina situa den ex-edificio di  seccion Duana Zona liber (Oranjestad). Cu e mudamento aki tur e procesonan cu tin di haber cu movecion di container, vertoning, control na containerpoort, vrijmaking di auto for di entrepot y peticion pa vrijmaking di container lo wordo centralisa na seccion Duana Waf, Oranjestad.

Dentro di poco Duana Waf Oranjestad lo introduci e proceso di scan containers pa asina mehora e control riba mercancia cu ta drenta y sali for di waf.Te cu diabierna 31 di juli “Team Vrijmaking” lo sigui duna servicio na oficina principal di Servicio di Aduana.

Servicio di Aduana ta pidi tur cliente pa tuma bon nota di e aviso pa evita inconvenencia pa cu esaki.
Pa mas informacion por tuma contacto cu Servicio di Aduana seccion Duana Waf Oranjestad na telefon 5831286, 5830738 y 5829706.

Gerencia di Servicio di Aduana
30 di juli 2009