ORANJESTAD – En conexion cu eleccion dia 25 di september venidero, Servicio di Aduana ta informa tur su clientenan cu riba e fecha menciona su oficinanan lo ta habri te cu 11:30 di mainta. 

Esaki ta trece cu ne cu e servicio di caha na e seccion di San Nicolas lo cera 10'or di mainta y locual ta trata e servicio di caha na e seccionnan di Aeropuerto, Playa y Waf esakinan lo cera pa 11'or di mainta.

Dialuna 28 di september proximo e oficinanan di Servicio di Aduana lo habri bek normal pa sigui brinda su servicio na su clientenan.

Servicio di Aduana ta pidi tur e clientenan pa nan tene bon cuenta cu e aviso aki pa asina evita cualkier inconveniencia.

GERENCIA DI SERVICIO DI ADUANA
16 september 2009