Departamento di Aduana a celebra cu un grupo grandi di funcionarionan cu diferente ceremonia

Diabierna ultimo Gerencia di Departamento di Aduana conhuntamente cu Minister di Finansas, sr. Angel Bermudez, Staf, sindicato SADA y demas empleadonan a celebra cu un grupo grandi di empleadonan di Aduana den un ceremonia di huramentacion, entregamento di diploma na tur esnan cu a termina e opleiding di Hoofdkommies der invoerrechten en accijnzen (I&A) exitosamente, hubilarionan cu a cumpli 25 aña di servicio y promocion. Cu otro palabra Departamento di Aduana tabata den pleno celebrashon.

E ceremonia a cuminsa cu huramentacion di 17 empleado tanto funcionarionan di Aduana como empleadonan den e ramo administrativo. Despues a continua cu e entregamento di diploma na funcionarionan di Aduana cu a termina nan opleiding exitosamente. Tambe e hubilarionan cu a cumpli 25 aña di servicio den Cuerpo di Aduana a risibi nan decreto Gubernamental.

Director di Departamento di Aduana y Minister di Finansas a gradici e grupo di funcionarionan di e Cuerpo di Aduana pa nan dedicacion y servicio na nos comunidad alabes a encurasha e grupo di Hoofdkommiezen pa nan sigui hasi nan best pa sigui crese den nan carrera y a recorda e funcionarionan cu a huramenta kiko nan compromiso y contribushon ta tanto pa Departamento di Aduana como tambe nan huramento y promesa como empleado publico.

Banda di e huramentacion, entregamento di diploma y felisitando e hubilarionan tabata tin varios otro promocion. Sra. Carondina Leijdekkers a ricibi su decreto Gubernamental y insignes cu ta corresponde den e rango di Adjunct Inspecteur der I&A. Sr. Paul Vandormael tambe ta oficialmente den servicio di Cuerpo di Aduana den e funcion como «Comptroller» y durante e ceremonia sr. Vandormael a risibi su decreto Gubernamental pa cu esaki. Sra Jeanella Dubero a wordo promovi pa e funcion di Klerk 1ste klasse y a risibi su decreto Gubernamental pa cu e funcion menciona.

Gerencia, Staf y personal di Departamento di Aduana ta felicita un y tur cu a huramenta, gradua pa cu e rango di Hoofdkommies der I&A, a celebra nan 25 aniversario di servicio, a ricibi nan promocion y nan insignes hopi perseverancia, sabiduria y cu Dios por guia y proteha cada un den nan tareanan diario.

 

más noticias