Departamento di Aduana Aruba cu aviso importante

Departamento di Aduana ta hasi un suplica urgente na tur comerciante cu ta importando container cu klapchi pa tene cuenta e cu e aviso aki:

Tur comerciante y importador di klapchi mester manda tur e papeleo na nan broker pa esakinan por hasi tur e tramitenan di declaracion (aangifte) na tempo prome cu e container yega Aruba.

Comerciantenan y broker mester tene bon cuenta cu e aviso aki pasobra, container di klapchi cu yega Aruba y e declaracion (aangifte) no ta traha den sistema di Aduana ta wordo tuma den beslag. Na momento cu e container sali for di waf pa bai Wela e declaracion mester ta hinka den Asycuda, de lo contrario e inversion di klapchi ta bai perdi.

Banda di hasi e declaracionan na tempo, Departamento di Aduana ta recorda tur importador pa manda documentacion correcto pa e proceso por cana su caminda sin niun dificultad y no wordo tranka pa culpa di e mesun importador manera tabata e caso aña pasa.

más noticias