Dialuna, dia 4 di juni, e 10 Duaneronan a jega bek di nan stage na Hulanda. E stage intensivo di un luna tabata e ultimo parti di e opleiding opleiding di 2 aña y mei pa e rango di Verificateur.

Durante e stage e 10 cursistanan a bishita varios localidad di aduana na Hulanda, entre otro Rotterdam (hoofdkantoor), Arnhem (Landelijk Opsporingsteam), Groningen, Vlissingen, Breda, Rotterdam Maasvlakte y Schiphol. Na cada localidad nan a haya un splicacion y demostracion di e trabounan cu aduana na Hulanda ta hasi.

E cursistanan ta remarca cu durante nan stage nan a siña hopi y a estrecha e lasonan mas intenso cu aduana na Hulanda, pero cu tambe cu e experiencia di e stage lo juda nan den nan futuro trabou den e rango di Verificateur.

Palabranan di agradecimento ta bai na minister di Finansas, Economia y Cultura, sra Xiomaira Ruiz-Maduro cu a aproba e programa di stage. Un danki tambe ta bai na e comision di e opleiding cu a hasi e stage aki posibel.

Departamento di Aduana Aruba ta gradici Aduana Hulandes pa e excelente cooperacion durante cada etapa di e opleiding na e cursistanan di Aruba.