Departamento di Aduana Aruba ta recorda tur biaheronan encuanto control na aeropuerto

Departamento di Aduana kier recorda tur persona biahando pa exterior y cu lo bai hasi compras di articulonan pa uso personal of negoshi pa tene cuenta cu na yegada na Aruba tin cu declara e mercancia debidamente na Aduana. Pa algun producto pa uso personal te na balor di 400 florin ta posibel pa importa sin cu ta necesario pa paga impuesto di importacion. Ariba demas articulonan cu ta wordo importa y cu ta surpasa e balor di e exoneracion di 400 florin lo mester paga derecho ariba esakinan.

Formulier Tijdelijke Uitvoer
Departamento di Aduana ta recomenda biaheronan pa registra laptop of tablet na oficina di Aduana na aerocargo of na aeropuerto. Esaki ta conta solamente pa articulonan di balor cu ta Persbericht Van: Contactpersoon: Aan: Datum: Betreft: Departamento di Aduana Marilyn Orman-Wout, Management Assistant Alle media 20 september 2017 Departamento di Aduana Aruba ta recorda tur biaheronan encuanto control na aeropuerto
prácticamente nobo y cu e biahero no tin un prueba cu e producto a sali for di Aruba caba. E formulario ta un comprobante cu e persona a sali cu e articulonan for di Aruba y e ta pa evita cu mester paga impuesto ariba e articulo aki na momento cu e ta regresa na Aruba. Tur biahero por download e formulario di Tijdelijke Uitvoer for di riba e website www.douane.aw y jena e formulario di adelanta pero lo mester pasa registra esaki promer cu e biaha na oficina di Aduana na aeropuerto of na e seccion di Cargo. Sin constancia di e control di Aduana ariba e formulario esaki no ta valido.

Placa y papelnan di balor
Den caso cu un biahero ta regresa Aruba cu un suma di 20.000 florin of mas e ta necesario pa hasi un melding na loket di Departamento di Aduana na aeropuerto mediante un formulario di MOT. Den caso cu no cumpli cu e rekisitonan aki, e biahero ta riesga conforme e ley di MOT na un castigo di prison y un boet.

Productonan Prohibi y Permiso di Importacion
Na mesun momento Departamento di Aduana ta recorda biaheronan y importadornan di carga pa ta conciente di e reglanan prescribi den diferente ley encuanto importacion di mercancia of transportacion di mercancia pa Aruba cu ta rekeri un permiso y/of cu ta prohibi. Manera ta e caso pa: armanan (di candela), droga, remedi, mata, bestia, carni of preparacionnan traha di carni.

Den caso cu e biahero/ importador di carga no por presenta un permiso, Departamento di Aduana lo wanta e mercancia y esaki lo por tin como consecuencia cu e biahero/importador of exportador di carga ta haya un multa y lo por wordo deteni. Alabes e mercancia lo por wordo destrui.

Pa termina Departamento di Aduana ta sugeri pa tuma bon nota di e contenido di e notificacion aki pa asina evita cualkier inconveniencia cu por surgi durante control di Aduana na yegada di e biahero na Aruba.

 

Meer nieuws