Departamento di Aduana ta informa cu nos oficinanan lo ta cera riba dialuna 24 januari 2022 y diamars 25 januari 2022 en conexion cu ATV dag obligatorio di Gobierno y Dia di Betico.

Alabes ta anuncia cu diaranson 26 januari 2022 nos lo ta cera parti mainta en conexion cu celebracion di Dia Internacional di Aduana. Tur servicio pa clientenan y publico en general lo reanuda riba diaranson 26 januari 2022 for di 13:00 or di merdia.

Pa nos por hasi e trabow na un manera mas eficiente y efectivo, nos ta pidi tur cliente pa haci nan declaracionnan y respectivo peticionannan na tempo. Nos lo percura pa duna servicio optimalmente.

Management, Staf y Personal ta desea pueblo di Aruba un feliz dia di Betico y alabes ta desea tur Douanero un feliz dia Internacional di Aduana y ta gradici cada un pa nan bon trabou, eherciendo nan funcion cu amor, empeño, amabilidad y atencion na e comunidad di Aruba.