Diamars 2 di november 2021 utlimo Departamento di Aduana a start su opleiding Kommies der Invoerrechten en Accijnzen 2021-2022. Recientemente Departamento di Aduana a yama bon bini na 17 colega nobo den funcion di Hulpkommies der Invoerrechten en Accijnzen. Nan a cuminsa traha na e seccionnan na waf y airport, conociendo e trabounan di un douanero den forma di asistencia cu guia di douaneronan Hoofdkommiezen. E cursistanan lo haci nan formacion pa Kommies der Invoerrechten en Accijnzen pa medio di opleiding conhunto cu nan trabou pa un periodo di mas o menos un aña. E structura di e opleiding ta encera materianan general como tambe materianan specifico relata na Aduana.

Gerencia, Staf y Docentenan ta desea nos coleganan nobo hopi exito, perseverancia, y sabiduria den nan formacion pa Kommies der Invoerrechten en Accijnzen!