Diabierna atardi Departamento di Aduana conhuntamente cu ATIA a hasi entrega di certficado na e graduadonan di e di cinco grupo cu a termina e curso Douane Declarant cu exito.
E curso Douane Declarant ta contene tur locual un declarant mester ta na altura ora di declara mercancia na Douane entre otro pidi exoneracion di impuesto, bai den bezwaar y pidi restitutie. E Douane Declarant tambe ta comprende mihor kiko su tarea ta y con pa hasie di e mihor forma na
momento cu e mester hasi un di e procesonan y interpreta e leynan di Douane. Di 27 cursista cu a start 20 a logra termina e curso cu éxito. E tres cursista cu a termina cu mihor puntuacion ta:
1. sr. Claudio Mata di Complete Logistics
2. sra. Amanda Sam
3. sra. Genilee Thiel di Complete Logistics
Departamento di Aduana y Aruba Trade & Industry Association ta gradici tur e cursista pa nan esfuerso y alabes deseanan tur clase di exito den carera como Douane Declarant.
