Departamento di Aduana ta informa cu su oficinanan lo ta cera riba dialuna 17 maart en conexion cu dia colectivo di ATV y diamars 18 maart 2025 en conexion cu celebracion di Dia di Himno y Bandera. Tur servicio pa clientenan y publico en general lo reanuda diaranson 19 maart desde 7.30 or di mainta.
Departamento di Aduana ta pidi pa tuma nota di e informacion comparti y ta desea comunidad di Aruba un feliz Dia di Himno y Bandera 2025.
Departamento di Aduana ta informa cu su oficinanan lo ta cera riba dialuna 30 di december 2024 desde 2.00 or di merdia en conexion cu un reunion interno.
Nos ta pidi tur cliente pa tene cuenta cu e informacion comparti y ta desea comunidad di Aruba Feliz dianan di Fiesta.
Temporada di Pasco a yega. Departamento di Aduana Aruba ta pidi comunidad pa tene cuenta cu nan orarionan di oficina en conexion cu dianan di Fiesta:
Departamento di Aduana ta pidi tur su clientenan y publico en general pa tene cuenta cu e anuncio aki pa evita cualkier inconveniencia y ta desea comunidad di Aruba Feliz dianan di Fiesta.
Departamento di Aduana, cumpliendo cu Kiesverordening (articulo 40), ta anuncia na tur su clientenan e orario di oficina en conexion cu votacion 6 december 2024:
Den caso cu tin mester di servicio di Aduana riba diabierna, ta conseha tur cliente pa pidi esaki prome cu diahuebs 5 december. Aduana lo trata na yuda mas cliente cu ta posibel a base di “first come first serve”.
Tur servicio pa clientenan y publico en general lo reanuda riba dialuna 9 di december for di 7.30 or di mainta.
Nos ta gradici tur nos clientenan y partnernan pa e comprension y cooperacion.
Departamento di Aduana ta informa cu nan oficina principal, actualmente situa na L.G. Smith Boulevard 134, lo ta den proceso di mudamento pa un localidad na Bushiri 25 D (banda di ex edificio Pricehacker), for di diabierna 25 di october te cu diabierna 1 di november 2024.
Esaki ta nifica cu diabierna 25 di october desde 12.00or di merdia te cu diabierna 1 di november 2024 e oficina principal lo ta cera/no operacional.
Pa loke ta servicio di Asycuda, mester tene na cuenta lo siguiente:
Tur otro servicio na e localidad nobo di e oficina principal di Aduana lo reanuda riba dialuna 4 di november 2024.
Departamento di Aduana ta pidi su clientenan y pueblo di Aruba pa tuma bon nota di e informacion comparti. Alabes nos ta agradecido pa e comprension y cooperacion, dunando pueblo di Aruba un bon servicio.
Departamento di Aduana ta sigui modernisa y digitalisa su procesonan y su servicio na pueblo. Como parti di esaki, ta informa cu entrante dialuna 30 di september 2024 tur peticion pa permiso pa organisa un car show lo sosode digital via nos website.
Simplemente, car dealers ta click riba e website di Aduana https://www.douane.aw/vergunningsprocedure-carshow/ y haci un peticion door di yena e aanvraagformulier y excelsheet.
Pa obtene un permiso pa organisa un car show mester tene na cuenta lo siguiente:
Departamento di Aduana pidi tur car dealer pa tuma bon nota di e informacion comparti.
Pa mas informacion of pregunta por tuma contacto cu Aduana na 523-8888 of manda un email na info@douane.aw
E no ta desconoci cu na momento cu biaheronan yega for di exterior, Aduana por haci un control ariba nan ekipahe. Si durante control Aduana constata cu recibonan a surpasa e suma di exoneracion, of e cantidad di exoneracion, lo informa e persona pa e pasa na e oficina di Aduana situa na e sala di yegada na Aeropuerto pa haci un pago. Pa e motibo aki ta importante pa warda tur recibo pa asina por calcula e balor di e articulonan.
Exoneracion di impuesto riba ekipahe di biahero:
Cada persona por trece productonan di uzo personal y no commercial, cumpra den exterior cu un balor maximo di 900 florin, cual no ta necesario pa paga impuesto di importacion. Articulonan cu surpasa e suma aki mester paga impuesto ariba e producto completo.
Pa productonan mara na un limite, esta alcohol y sigaria mester tene na cuenta lo siguiente:
Si e productonan surpasa e cantidad, mester paga impuesto.
Mercancia particular:
Permiso di importacion ta rekeri pa cierto articulo p.e. remedi, mata, algun articulo electronico y carni.
• Remedi y suplemento (pa uzo propio) ta rekeri un permiso di importacion for di Inspectie Volksgezondheid Aruba (www.iva.aw/control-di-remedi-yof-suplemento-pa-uzo-propio)
• Carni y productonan di carni ta rekeri un permiso di importacion for di Veterinaire Dienst Aruba (www.dvg.aw/pa/servicionan/veterinaire-dienst)
• Importacion di mata ta rekeri un permiso for di Directie Landbouw, Veeteelt en Visserij en Markthallen/Santa Rosa (www.santarosa.aw/pap)
• Cierto articulo electronico te rekeri un permiso di importacion for di Directie Telecommunicatie Zaken (www.dtz.aw)
Diasabra 6 juli 2024 a tuma luga un ceremonia y entrega di certificado na un grupo di persona cu exitosamente a finalisa e curso di Declarant di Aduana. Esaki tabata e di shete curso cu a wordo organisa pa Aduana y ATIA, pa brokers y importadornan.
Den presencia di director di Departamento di Aduana, sr. Roderick Croes, director di ATIA, sr. Herrick Henriquez, hoofd di e curso, sr. Marcelito Pablo, secretaria di e curso, sra. Kathleen Faro, y docentenan, a haci entrega di certificado na 21 persona cu a cuminsa e curso na luna di februari. Di e grupo aki, sr. Henry Cen di e compania Far East Logistics & Transport tabata e mihor graduado. Na segundo lugar tabata sra. Jean-Marie Vos di Ashley Broker y na tercer luga tabata sr. Bryan Werleman di Setar N.V.
Departamento di Aduana y ATIA ta felicita cada un di e cursistanan aki y ta deseanan exito den nan carera.
Departamento di Aduana ta informa cu su oficinanan ta cera riba diahuebs 9 y diabierna 10 mei 2024 en conexion cu Dia di Ascension y ATV obligatorio.
Tur servicio pa clientenan y publico en general lo reanuda dialuna 13 mei 2024 desde 7.30 or di mainta.
Nos ta pidi comprension y cooperacion di su clientenan pa haci declaracionnan na tempo y correctamente pa Aduana por cumpli y preveni tardansa pa saca carganan.
Departamento di Aduana ta informa cu entrante 1 di april 2024 e suma di exoneracion di impuesto riba ekipahe pa biaheronan ta aumenta di AWG 400 pa AWG 900.
Esaki ta conta pa biaheronan cu ta trece articulonan y productonan na momento cu yega Aruba bek for di exterior. Generalmente, tur biahero tin derecho riba exoneracion di impuesto riba un cantidad limita di articulonan y productonan cu ta paga accijns. E balor maximo riba e factura cu cada biahero tin derecho riba exoneracion di impuesto entrante 1 di april 2024 ta bira AWG 900. Esaki ta aplicable riba entre otro, articulonan di paña, sapato, holoshi, celular, cos di hunga, y productonan di beyesa. Articulonan y productonan cu tin un balor di factura cu ta surpasa AWG 900, mester paga impuesto di importacion ariba e articulo completo.
Pa productonan di accijns manera alcohol y sigaria, cada biahero por trece:
Riba e productonan aki no mester paga accijns. Den e caso cu e biahero surpasa e cantidadnan aki, lo mester paga accijns riba e productonan.
Pa bin na remarke pa exoneracion di impuesto, tur biahero:
– Mester tin minimo 16 aña di edad
– Mester tene na cuenta cu e exoneracion ta conta solamente pa articulonan/productonan di uzo personal
– Mester tene na cuenta cu pa cierto articulonan/productonan entrada ta prohibi of lo tin mester di un permiso, manera drones, remedi, mata y carni.
Departamento di Aduana ta conseha biaheronan pa warda e facturanan pa por calcula e balor di e productonan cu a cumpra.
